Röyanın toyundan sonra şou-biznes aləmində evlənmək həvəsinə düşənlərin sayı artıb. İradə İbrahimova, Natəvan Həbibi, “Şeron”çu Ülviylə yanaşı, ATV-nin aparıcısı, müğənni Xəyalə Manaflı (N -Brother), repçi Elşad Xosenin və gənc estrada müğənnisi Xəyyam Nisanovun toya hazırlaşdıqları barədə söz-söhbətlər dolaşır. Röyanın bu baxımdan toyunun düşərli olması ilə yanaşı, müğənni toyundakı prosesləri nə qədər qapalı saxlamağa çalışsa da, söz-söhbətlər səngimək bilmir. Daxil olan məlumata görə, müğənninin toyunda pul siyahısında ən kasıb görünəni “Lider” televiziyasının baş prodüsseri Murad Dadaşov olub. Belə ki, baş prodüsser toy siyahısına 1000 manat yazdırıb. Mənbənin verdiyi məlumata görə, hətta həmkarları arasında xəsisliyinə görə M.Dadaşovu qınayan da olub. Siyahıda ön yerlərdən birini isə müğənni Ədalət Şükürovun tutduğu bildirilir.
