Cəbhənin Qazax rayonunun Kəmərli kəndi istiqamətində ermənilərə əsir düşən Azərbaycan Ordusunun əsgəri Rafiq Həsənov qarşı tərəfdən insanlıqdan kənar xeyli işgəncələrə məruz qalır. Bunu Müdafiə Nazirliyinin mətbuat katibi Eldar Sabiroğlu bildirib.
Eldar Sabiroğlunun sözlərinə görə, işgəncələrin təsiri altında əsir valideynlərinə guya vətənə qayıtmamaq barədə məktub yazmağa məcbur edilir: «Azərbaycanda da erməni əsirləri var. Yəni bu gün o əsirə hər hansı qeyri-insani hərəkət görülmür. Bizim əsirlərlə isə heç bir çərçivəyə sığmayan şəkildə rəftar edirlər».